跟住,我地去咗古树园,睇咗好多千奇百怪嘅书啦;又去咗农庄,自己摘新鲜嘅蔬菜瓜果离整农家菜啦.
成日都不停咁行,一路打打闹闹咁游览咗好多地方.虽然行到好攰,但内心就充满咗甜蜜嘅感觉.
一日嘅快乐时光好快就过去,我地行梗落山搭车翻屋K.
我沉默不语,行得好慢好慢,咁样嘅情景,令我捻起几米写嘅一短话:
冬日午后,幽静的树林小径,只有我们两个人.
我渐渐放慢脚步,聆听不知名的鸟叫声.
你不时回过头来,露出灿烂的笑容,唤我快快跟上.
望住你熟悉的背影,一股莫名的悲伤突然涌来.
这么幸福的时刻,可以一直走下去吗>
我愈走愈慢,愈走愈慢....泪流满面
幸福的步道,总是那么短.
我们可不可以赖着不走.
Azo另转头,望住离佢足有三米远嘅我,嗌
-啊妹,做咩行得咁慢嘅?好攰吖?
-唔係吖......
-做咩冇晒声出嘅?玩得唔开心咩?
-就係因为太开心,所以......
-傻妹!!吖~~~~~~~妳另转身睇吓!
原来身后嘅太阳开始懒洋洋咁行落山.将成个西岸染成醉红色
望住天边嘅彩霞,同消亡嘅光,
灿烂咗一日嘅光嘅消亡美丽得令人悲伤
明亮嘅光将山,树,同小溪同游人抱係温暖嘅环抱中,然后松开无比温柔嘅臂膀
慢慢向西方退去
血红嘅晚霞诉说住离别嘅依依不舍
终于明白嗰一句由细听到大嘅说话夕阳无限好,只是近黄昏
原来日落真係会勾起人心底嘅伤感
我地走咗之后,哩度依然会日落日出一千次,一万次
但係另一个世界,又会有几多世事变迁
听日,我就要面对现实,去解决一D我希望永远都唔会发生嘅事.
我好清楚Azo未必可以了解我点解咁做,
但我宁愿佢误会,都唔想一个洁白如天使嘅佢,同我一样变成黑暗嘅魔鬼
佢一直都係我嘅好哥哥,照顾我,关心我
听日,我就轮到我要保护我嘅天使.
就算畀佢一直误会,甚至憎恨都冇所谓
-诗甜!?诗甜?做咩呆晒咁嘅?
-冇嘢吖...我地可唔可以係E度企多一阵啊?
-但係就离天黑喇窝!
-企多一阵啦...
-E~!?妳仲带住嗰条草链啊?朵花都残晒喇!丢咗去啦!
-唔得吖!我要戴住佢!
-傻噶咩,仲想戴埋翻去吖?妳睇吓?条草都软晒喇!
讲完,Azo轻轻一扯,就扯断咗我颈上嘅草链,随手丢咗係一边嘅草丛中
我地係咪都会好似哩条链咁,保存期咁短暂,轻轻一扯就会断
然后我就好似孤独嘅草链咁,以后都静静躺係畀人遗忘嘅角落.
捻到哩度,眼泪就好唔听话咁一涌而出
-诗甜!!做咩吖?Sorry吖,係咪妳想要翻嗰条草链吖?我整过畀你啊!唔好咁啦~!!
-T_T~啊哥~我唔想走啊,我好唔舍得哩度吖!!
-傻妹~~我地以后可以再离过家嘛!
-冇机会噶喇!!我知你迟早都会离开我噶......
我任性咁讲住一D Azo听唔明嘅嘢.
-唔会噶,啊哥点舍得离开妳窝.
-你会噶...
-妹吖,究竟妳想讲咩姐?
-你应承我,无论咩事都要信我吖!!
-嗯!!我应承妳!!
-呜呜~~~T_T...呜呜呜~~
-做咩又喊过吖~~~~~!!
啊哥焦急咁望住泪如雨下嘅我,手足无措.
-你应承得咁快!一定做唔到噶!
Azo叹咗啖气,无奈咁笑住望一望我,拉咗我埋佢面前
好温柔咁拨开我额头上嘅头发,轻轻咁锡咗我额头一吓
我成个呆咗,睁大通红嘅双眼望住佢
佢帮我抹咗眼角嘅泪水,皱住眉好心痛咁讲
-唔好再喊喇!妳知唔知啊哥次次见倒妳D眼泪都瘌住瘌住咁架!妳想点,我都可以应承妳,乖啦...
-----------------------------------------------------
终于,旅游巴载住疲惫嘅身心翻到广州,一落车,Azo部手机就响咗
-喂?啊莹吖?
.......
-听日啊嘛!我记得噶喇!....OK,***桌球城啊嘛!几点吖?
.......
-夜晚九点半啊?好啦~Toxic?我叫咗噶喇!不过佢可能得一个钟时间乍!
......
-好啦!我知架喇!听日见!Bye!
-啊哥,妳听日同余莹出去吖!
-係吖,佢好似好紧张咁打电话离问咗几次!
-佢问咩吖?
-问我有冇约到Toxic咯.
-点解佢要你约Toxic出离嘅?
-佢话佢想亲自多谢Toxic带挟佢条仔窝.
嗰个奸婆!咁都捻得出!
-哥吖,其实....你有冇捻过,就算係由细玩到大嘅朋友,都有出卖你嘅一日噶?
-....妳讲啊莹吖?哈哈哈~~~~唔会嘅!佢细细个就好善良噶喇!
或者以前的确係咁,但所有嘢都会变噶......
有时甚至变到你都唔忍心去相信,自己最爱嘅人竟然会出卖你.
嘅然你咁觉得嘅话,我更加肯定咗听日要点做.
