忘记会不会比较懂事
纪念的照片 看来多讽刺
想念算不算一种窥视
反正没有人 填心中位置
我站在离你最远的位置
消失在寂寞泛滥的城市
伤心得自以为是
像宠坏了的孩子
唉~~~~~~唉唉~~~~~~~唉~~~~~~想死咁制啊!!
我已经摊咗係张床度两个星期喇!!E+都仲算好,可以自己落床行几步路.
捻起第一个星期嗰阵,连冲凉都冲唔倒,最多都係自己抹吓身,真係超级恶顶!!>_<
后离好少少,可以去洗白白,不过又唔可以湿对脚窝!
咁我冲一次凉,就扯咗几也张保鲜纸包住对脚,小心翼翼咁淋D水上身.
一个唔小心整湿对脚就要去医院重新包扎过
哩两个星期里面,我觉得自己麻烦咗好多人,因而越离越觉得自己好似废柴咁
奈奈同啊细一得闲就上离帮我煮饭,执屋,仲买定晒D罐头之类嘅嘢,等我饿嘅时候有嘢食.
事实上哩两个星期以离我都冇咩胃口,几乎冇认真咁食过一餐饭,体重从本来嘅92斤下降到82斤.
双手就好似两支筷子咁,我都唔敢想象对脚拆咗石膏之后会瘦成点
而均惟呢,佢成日上离陪我倾计,买好多杂志吖,关于画画嘅书畀我睇,仲惊我D功课赶唔上,帮我补习添
不过每次佢一拿D课本出离嘅时候,我都会扮晒扭计咁.
然后佢就咩都就晒我,拿本杂志过离同我研究吓今期有咩新嘢出......（其实都好无聊)
点都好啦,有人陪好过冇人陪.
当佢地个个都翻学嘅时候,先至係我最难顶嘅时候.
一个人摊係铺床度,默然咁听住音响里面播住嗰D悲伤嘅情歌,总係会情不自禁咁捻起佢....
捻起我地第一次见面嘅嗰个初秋嘅午后,嗰知飞中佢心口嘅画笔,佢嗰句冷冷嘅说话,同淡淡嘅香味
捻起佢係我畀人撩嘅时候,搭住我膊头,大声咁话我係佢条女
捻起嗰一个伤心嘅下午,佢带我越过学校嘅围墙逃课,去到流前打机,影贴纸相,食寿司嘅情景
亦都捻起嗰条阴暗嘅巷仔里面,佢抱住畀我打伤嘅人,係我身边失望咁离开嘅身影
捻起佢係嗰个失魂落魄嘅夜晚,从舞池带走我嗰只温暖嘅手,係我发烧嘅时候,包围住我嘅双臂
捻起艺术节嘅晚会上,佢用嗰只艺术家嘅手指,轻轻咁係我嘴唇上扫上最靓嘅颜色
捻起大雨滂沱嘅学校空地上,周身係伤嘅我忍受住寒冷同刺痛,身边嗰个陪我淋雨,鼓励我要勇敢面对问题嘅身影
捻到上两个星期嗰间恐怖嘅桌球房里面,我畀人打到无法支撑起身体嘅时候,佢闪住泪光嘅愧疚,同写係眉头间嘅心痛
.......
可能因为哩一切总係係我脑中挥之不去,所以我总係中意呆想住哩一切,听住江美琪嘅<我又想起你>
我想我还要继续学习 悲伤的时候不闭上眼睛
趁眼泪没有形成前 就蒸发到空气里
我想我还要继续努力 听完了情歌可以不决堤
那些蠢蠢欲动 爱的回忆 会让思念都哭泣
当我想起你 有一种绝望的灰心
总会让街头某个相似背影 若得忍不住伤心
当我又想起你 是我躲避不及的原因
总以为可以否定你的爱情
却在不成眠的夜 我又想起你
原来不知不觉中,哩两个月,我地之间已经发生咗咁多难以忘记嘅事
係天使同魔鬼一齐编写嘅童话
虽然童话唔係每一页都咁美好动人,但係里面嘅每一种感动,每一种痛苦,都成为咗我心里面最珍贵嘅回忆
係我决定唔再痴缠你嘅嗰一刻开始,我已经决定依靠住哩D回忆,
一个人坚强咁行落去
----------------------------------------------
-（细)食橙啦,诗甜!
-（ME)555~~~~~~~~又係橙...唔係橙就苹果,唔係苹果就係橙...>_<
-（细)小姐~!妳E+仲係等待康复中吖!唔係食生果妳仲想食咩吖!!
-（ME)唔同妳讲!!...奈奈~~~~今晚买嘢翻离打鞭炉吖!!
-（奈)唔得窝!打鞭炉燥吖!妳唔食得!!
-（ME)5555~~~~~~~~~~好惨啊~!!咩都唔食得!又唔可以出街!!
-（奈)我地E+咪一放学就上离陪妳咯!等阵baby仔都上离噶喇!
-（ME)係窝~~学校嗰边有冇催我快D翻学吖?
-（奈)咁又冇窝,我地有晒医生纸畀佢睇家嘛!D主任边敢啊之啊咗!
-（细)不过呢,大佬Miu嗰边就麻烦D喇!
-（ME)佢知道咗喇!!?
-（细)唔知边条柚同佢讲话妳同Toxic班人有D磨擦咯!
-（ME)惨啦今晕~~~~~~~~畀大佬Miu知道咗佢实唔会咁易算数噶...
-（细)咪係咯!!不过我同奈奈已经同佢讲话冇咁嘅事噶喇!但佢仲话要亲眼见过妳先得窝!
-（ME)唔係啊化~~~~~点办点办...
-（奈)我地同佢讲话妳係学校好多嘢做,咁佢先勉勉强强信乍!
-（ME)好彩姐~~~~~~~係呢!?咁学校哩排有冇咩嘢发生吖?
-（奈)....妳真係想知?
-（ME)嗯嗯!有咩唔妥吖?
-（奈)听讲邢均惟同安祖凝反咗面吖...
-（ME)...哦,原来咁吖...
-（奈)仲有吖,Azo每次见倒我同啊细都问妳点吖!仲话要上离探妳窝!
-（细)係吖係吖!睇佢嘅表情好似好紧张咁!不过均惟师兄就唔畀佢见你,而且妳又话唔想见佢....
-（奈)不过,Azo今次好似好认真咁,今日上梗扫描课嘅时候,佢仲去我地课室话揾妳吖!
-（ME)佢真係咁做...?
-（奈)唔,我地班D人都好意外吖,佢去到我地班嗰时仲插住个袋话老师,我要揾秦诗甜!咁,跟住成班人都係度起哄,激到个老师即刻的咗佢去办公室.
-（细)哩件事我地班D人都传得好衡吖.可能Azo太出名喇,E+D女仔仲话....
-（ME)话咩吖?
-（细)...话妳一脚踏两船咯.仲话妳搞到Azo同均惟发面....不过放心啦!我警告过佢地噶喇!
哩两个星期,Azo打过好多次电话畀我,不过我次次都冇接到...
可能佢仲觉得好内疚,其实佢唔需要因为内疚而做哩D嘢,我虽然仲有D唔开心,不过已经冇嬲佢.
