有人话，我地呢代人好自我，好夸张，好极端，好叛逆。
亦都有人话，我地呢代人缺少毅力，缺少坚持。
佢地会讲我地系一个特殊噶群体，通常会称呼我地做‘九零后’。
我地噶自我，只系唔想将就。我地噶夸张，只系因为内心噶孤独，我地噶极端，只系想敢于尝试。我地噶叛逆，只系渴望自由。
唔理人地点样讲，我地呢代人都只不过系唔想将就，因为人生本来就唔应该将就。
今日，我想讲一个故仔，呢个故系由高考失败带出嚟噶故事，呢个故好普通，普通到就好似香港翡翠台每天8点钟播噶八婆脑残剧咁，但系，就系一件咁普通噶事，完完全全颠覆左我往后几年噶生活，让我急速咁成长，有血有肉咁成长。
批判应试教育噶人曾经讲过，今日之高考，既是古代之进士科举，罪大恶极。
今日之高考如‘纸上谈兵’，试卷战场上噶厮杀，一场无硝烟噶战争，我知道并唔系每个人都会经历呢场战争，但系，我相信每个人都会经历成长，而成长就会付出代价，成长噶路从来都唔系平坦噶，因为路从来都系好难行噶，但系呢条路上，一定会有一D难忘噶人或事陪伴住你，就好似我同我呢个故仔咁。
八岁，小学鸡噶我就已经听到阿爸阿妈话，亲戚话，老师话等不断讲住一句，“如果唔好好读书，就考唔到大学噶啦，考唔到大学，就只能够。”全人类学生噶理想都系“好好学习，考上大学”，就好似电脑里面设置噶固定答案咁。
当时噶我完全唔知道呢个固定答案系咩野概念，我剩系知，小学生唔系应该争取时间玩咩？
打左个喷嚏，十年就咁过去。
18岁，高三，一直为自己唔拿手噶野做住不胶知所谓噶准备－－－－高考。
“高考”一个源远流长，横跨半个世纪（始创1952年）噶考试，名同恶鬼，形同战役，系高考噶前中后期都是系咁令人苦恼，还会因为呢种苦恼而产生疯狂。米国人更为此特造了“ChineseGaokao”这个英文单词嚟代表呢场毫无硝烟噶战争，因为再无单词更能够表达呢场圣战噶残酷，呢个升学噶难度。
而我，就系呢场战役里噶刀下亡魂。
差点唔记得介绍，我叫梁振宇，我阿爸真系唔系故意帮我改有‘宇’字噶名，当时阿爸完全唔知21世纪系一个哈韩噶世纪。本来就改一个‘宇’字，不过后来系中间加多个‘振’，听讲三个字噶名会比较热血（九嗡），不过讲起身都几OK顺口噶。到宜家为止，细佬我呢个名系众多九零后名里面最有霸气噶（自我感觉良好）。而D人评价我系，高高瘦瘦，神神化化，行路脚踭唔踮地，仲好样衰添，其实，我一直都系个靓仔，学向西兄话斋，“我只不过可能系靓仔得唔系太明显嗻。”
我啱啱出生系1990，八十后又唔系，九零后又后唔到几多，正宗夹系中间，唔汤唔水。
我生活在祖国浪漫之城珠海入边一个睇唔见海噶小镇－－－斗门区井岸镇，呢个小镇就好似迷失系珠海街道里面咁。
由小学鸡一直到高中狗，我都系生活系呢度，亦都系呢个迷失般噶小镇里面迎接左自己第一个迷失期。
2009，真系黑仔过墨斗。
2009，真系PK到无得透。
2009，真系样衰到无朋友。
2009噶我，就好似无左叮当噶大雄一样，俾人虾，成绩差同埋扣唔到女。
我好记得个天，6月7号，礼拜4，雨。
个日，全日我都系出现左一个表情，呆晒，谢晒，因为个日考左数学。
两日之后，6月9号，礼拜6，阴天。
当，当，当，2009年高考最后一科结束噶钟声恶魔般咁响起，同一时间我全身气力都跟住呢下钟声一丝不挂咁抽走，软冧冧。只系想粗暴简单咁爆一个字出嚟表达下宜家噶我。
隔着教室噶窗，我向外望去，乌云被打散，好似挤痘痘咁挤左个夕阳小脸出嚟，高考三天伴随住噶雨点已经成为我母校斗门一中噶传统历史之一，夕阳噶小脸化身为光明噶终结者，终结左呢三天以嚟噶阴雨，扫光晒笼罩系我头顶噶黑暗，比电影剧本仲要戏剧化咁出现左雨过天晴噶画面，仿佛拍拍学生噶肩头，话俾佢地知，考完临走个阵唔好唔记得爆返几句“终！于！解！放！啦！”“终！于！考！完！啦！”先好走，呢一连串噶循例废话（如果我考得好都会爆一下）大有一副“安得广厦千万间，大庇天下寒士俱欢颜”噶架势，但系我剩系觉得恶心兼作呕，好胶丑恶，因为我认为，宜家呢个moment，落雨应该同我更配。
09年噶广东高考仲系3＋X科，所以系最后一天噶高考会分为上下昼考试，上昼物理，生物，历史，地理，考完噶都已经走晒，而下昼就剩底化学同埋政治。而我选噶系化学。学校剩底化学生同政治生，场面有D冷清。
我母校斗门一中系珠海西区噶唯一考点，斗门区其他学校噶考生都会系呢几天云集斗一，我好记得试室前后右位置噶都系识噶（左边系墙）。
19试室，28号位。
打钟收卷，考生离场。虽然考试三天我都好似练仙咁神游太虚，灵魂出窍，但系每次结束噶钟声我都会回魂返嚟听得清清楚楚，因为每一下钟声，就好似从地狱敲噶咁，我心脏会有被皮带鞭左一下噶坚痛。
监考老师噶恶魔之爪把我噶试卷爪左去，同时我噶心都俾佢爪碎，碎成了一个地球。
我好怕考完之后会被人一见面就问候，系真噶问候，唔系问候屋企人，问“考成点啊”诸如此类噶无用以及无谓噶废话，所以次次交左卷我都走得好慢，好慢，等其他人都走得七七八八，我先最后走出试室教学楼，唔想同其他人打招呼，因为我已经无力再去回应，亦都唔想去回应。
踏出试室教学楼，我唔知去边，呢个时候我觉得自己好迷惘，好迷失，我无选择即刻返宿舍执嘢走，而系逆向而行，走到学校操场，呢个moment，我很压抑，好想爆。
画面就咁定格左，想大喊？想大笑？定系想大叫？
