每当我地遇到压力，风险，危机而感到焦虑噶时候，心就会开始慢慢咁失去佢应该有噶平衡，为左防止呢种唔平衡无限制咁扩大落去从而导致到出现我地唔想见到噶精神问题，系呢个moment，就需要一种唔确定噶乐观情绪嚟支撑我地噶精神层面，呢种乐观系唔基于现实噶，甚至同现实相反噶，佢噶作用只系暂时咁稳定人噶精神，呢种精神我会称之为侥幸心理。
我宜家啱啱好就处于一个神经过度焦虑并发精神失去平衡，从而接近心理层面崩溃，呢个情况，现代人会用好简洁噶两个字表达，就系我地俗语所讲噶‘痴线’。
或者，可能，大概，应该，呢D唔确定噶字眼瞬间出现在我脑海，此时此刻，我有D想相信学校教职员工对学生讲过十大校园经典废话，仲要系位列前三甲之一，乜嘢“人难我难，人易我易。”我知道宜家先嚟信我会好7，但系我不嬲都系咁7噶，又有乜所谓。
有断估，无痛苦。一直以嚟我都唔系一个政治渣，考试测验政治课我都系唔合格噶，所以连自己谂野都系完全违背埋实事求是噶思想路线，因为我戆居咁相信有奇迹发生。
高考总分750分，语数外，理综加X科，我脑入面浮现出一条既简单又复杂噶数学计算，数学差唔多交，就假设先无左150分，宜家仲有600分，哇，600分喔，有排扣啦。语文，个个人都系差唔多噶啦，语文我都几好feel架，110都应该有呱？！英文，如果100分，都扣成50分，都扣好多噶啦。理综都做得几顺啊，120有啊，应该。化学，专业课喔，100计低少少，有D位松动下。咁样计落已经440，仲系保守估计添。丢，数学我前面噶选择填空都有写，都未算系白卷白得晒，选择填空全对就70，咁就计60好啦，哇，咁已经500分咯。
咁使嘿懔啊！
侥幸心理就系咁，我地存在住妄图通过偶然噶原因去取得成功或者避免灾害，但系，往往呢种侥幸心理就系许许多多失败，丑陋，悲惨生活噶罪魁祸首。当时噶我仲未明白呢个咁简浅噶道理。
后来，好明显，呢D全部系我自己噶幻想，奇迹都只系发生系电视剧啊，小说啊，边可能发生系现实架，仲边可能会发生系我身上啊，而个D教职员工讲噶野都系呃九D学生仔噶bull****。
吃左中午饭，有少少饭气上脑，加埋陶醉系自我噶幻想底下，我噶心情同神经又有左唔少噶放松，松左，就想睡。
醒噶时候已经系听到妈妈叫吃饭噶叫声，原来已经到夜晚，照样系一张老旧噶折枱，三张唔系配套噶折凳，照样系妈妈帮我装饭，老豆托住碗饭睇紧电视，一枱都系妈妈煮噶温馨，望住老豆妈子，我松左噶心情同神经好似又绷紧返咁，又变得好多野谂。
