讲真，我张老翻CS真系留过唔少脚毛系全班男同学噶屋企。
装完碟，玩过game，大家肯定讲下D赛后报告，就系咁，我同D同学多左好多野讲，我地一班CS发烧友经常一齐讲下CS入边各种枪噶使用，技巧，乜嘢AK爆头啊，两下空格键会弹簧跳啊，重狙快速上弹瞄准啊，讲下讲下，就知道陈浩南屋企部电脑可以调32个人机对战都唔卡机，仲顺到爆添，咁后嚟发展都唔使我讲啦，直接去佢屋企日打夜打。
我好记得，我小学鸡个阵，手机都仲未普及，老豆因为要做嘢，所以有部小灵通，阿妈连小灵通都无，我同陈浩南因为比较啱嘴型，所以返到屋企之后打电话倾偈添，讲到部电话发晒滚咁济，比宜家D情侣有过之而无不及，好彩当时小灵通系包月电话费，如果唔系老豆实唔放过我。
一路走嚟，我地同班到小学毕业，虽然升到初中之后，佢系斗门四中，我就去左斗门实中，但系都经常一齐玩，记得2006年升高中考试前一晚，个晚系夏季打风前夕，我仲踩单车去佢屋企，名义上话系复习，其实就系度打CS。到左高中，我系斗门一中，佢去左北师附中，由每个礼拜双休，变左每个礼拜放一日，我放礼拜日，佢放礼拜六，但系感情都无变，由一齐打CS之余再一齐追海贼王，继续一齐热血。
因为万恶噶高考，高三下学期噶后半学期，大家都各自复习，无乜点见过，都系message联系，宜家考完梗系一齐再威过啦。
我地约系步行街街尾，井岸噶步行街系全全全世界最短噶步行街，因为我屋企就系呢条最短噶步行街中间。
一个长发，牛仔裤，中袖衬衫噶少年出现，佢就系南哥。
热死辣辣卅几度，我真系唔明点解佢要着成咁。
陈浩南：“哇，仲乜谢晒咁款啊！”
我：“无啊。”
陈浩南：“喂，考成点啊，乜嘢环境？”
我：“丢，饱皮咁噶环境啊（恶劣）！”
陈浩南：“我都仆len晒街啊，行啦，一路行一路讲。”
我地行系步行街噶下一条街，精品街，呢条街可以话系井岸噶年轻人聚集地，乜嘢衫啊，精品啊，电脑啊都系晒呢度，不过都系卖D流野。呢度噶几间电脑铺都系我初高中时代经常流连噶地方，因为老豆阿妈唔俾装网线，无得玩onlinegame，所以我得闲无事都会嚟呢度买下老翻，返屋企装机玩。09年前一张老翻卖4蚊，一个game，之后单碟装变到双碟装，之后再由双碟装变到4碟装，4蚊变到5蚊。宜家，以前成日帮衬噶现代软件都关9左几世咯，而老翻游戏碟亦都已经成为我地90后噶新一批古董。
陈浩南：“丢，D题难到，仆len晒街啊，特别D仆街数学，丢。”
我：“丢，数学，我数学后面D大题无题识啊，交白卷咋我。”
陈浩南：“哇，你咁英噶。”
我：“丢，系咪润我啊。”
陈浩南：“丢，就算唔识写都乱丢D野上去啊，交白卷，你真系犀利。”
我：“丢，我点知啊，一睇见D题唔识做，我成个人都发晒滚咯，都谂唔到野，谢晒，无晒心机，剩系想快D返屋企咋。”
