话说上一章讲到条女学生喊到扯晒哮咁，系佢隔离个老师就开始安慰佢啦。
我记得个女仔好似系八班噶，我地高三级8到12班都系化学班，都系系高考最后一日下昼考化学，安慰佢噶老师就系八班噶班主任，听讲佢专门讲废话。
八班噶班主任：“不要去想了，都过了，你已经好努力了。”
唔知点解，我真系好讨厌呢种考完试之后所讲噶无力安慰，‘乜嘢好努力啊，你做得好好啊’噶说话个阵，我个人就特别容易扯火，系我本身容易挞着啊？定系呢个老师噶说话令我起到D化学反应？
越系唔谂，就越想去谂，越谂得劲D添，就好似潘多拉噶宝盒一样咁有魔力。
我都唔想去谂，亦都唔情愿去谂，但系偏偏就系咁系我个脑度涌出嚟，丢！涌出嚟都系唔系D好野，乜九野数学题啊，后面噶大题都系空噶，唔len识写，交左白卷上去，涌D英文鸡肠出嚟，佢识我，但系我唔识佢，乱潦滴ABCD上去，英文出埋嚟，都唔挣在理科综合啦，都系一个九样，乱潦，丢！
讲乜九野努力读书就考到大学，乜七野好好学习就读到好大学，丢那妈，全部都系D青春偶像剧小说先出现噶屎坑桥，同D国产抗日神剧一样都系呃九人噶，现实有嘿啦！
现实有噶就系，即使你几努力，都系徒劳无功，当时噶我就系咁样认为。
走到学校门口，我再拧返转头望一望，生活左三年噶母校，最靓噶斗门一中，入面每兜踩过噶草，每棵踢过噶树，每条行过噶路，都充满左我噶回忆，宜家真系再见啦，唔系再见，系拜拜，因为，唔会再返嚟了。过去三年噶清规戒律前前后后左左右右系咁缠九住我，我一直都想走，一直想要自由，系斗一噶每一刻我都想离开，离开呢个困住我监狱，个阵我仲谂，离开系一件几咁遥远噶事，但系到左呢一刻，真系要走噶呢一刻，竟然系咁瞬速，竟然有咁多不舍，我竟然有D后悔噶feel。
望住今日噶离开，彷如寻日噶嚟到，发觉，世事噶野往往都系发生系变幻之间，好似还未好好咁过高中生活就话要走了，究竟呢三年我做过乜嘢啦。
我，，究竟做乜len野啦。
坐系返屋企噶609上面，隔住车窗睇住熟悉噶归家之路，最后一次身穿蓝精灵校服离开，以前每个礼拜六都系咁样返屋企，仲记得次次都誓神劈愿话返屋企之后要做系练习题，睇下书，带住一大堆噶课本练习册试卷返去，但系最后又原封不动噶带返嚟学校，连当枕头都觉得硬啊，掂都唔掂过。
以往，沉重噶书包，轻松噶心情，返学。
宜家，沉重噶心情，轻松噶书包，返归。
讽刺，相当讽刺，认证讽刺啊。
